Raportet në Gjermani pretendojnë që Bayern Munichu mund të shkarkoj këtë pasdite Carlo Ancelottin.

Kampioni gjerman është tronditur me rezultat 3 me 0 nga Paris Saint Germaini mbrëmjen e kaluar, duke vazhduar kështu sezonin e përzier për “Bavarezët”, transmeton portali arbresh.info.

Është pritur nga të gjithë që italiani do të largohet këtë sezon dhe trajneri i Hoffenheimit, Julian Nagelsmann, pritet të jetë pasardhësi i tij. Megjithatë, gazeta ‘Bild’ raporton tani që bisedimet për krizën do të zhvillohen kur skuadra të arrijë në Gjermani këtë pasdite dhe pozita e Ancelottit nuk është më e sigurt.

Lojtarët e Bayernit kanë qenë kritik ndaj metodave të tij dhe anësori Ajen Robben madje ka refuzuar të përkrah trajnerin mbrëmjen e kaluar.

Në rast se Ancelotti shkarkohet, pritet që Willy Sagnol të marrë detyrën fillimisht si trajner i përkohshëm, para se Nagelsmann të arrijë gjatë verës./arbresh.info/